Opplysningar om kvar og når din bil har passert i bomstasjonane, blir normalt lagra for eit avgrensa  tidsrom. Dersom du har ein avtale med bompengeselskapet, vil du finne ein oversikt over dine passeringar ved å logge deg inn på "Min side” i venstre meny. Generelt blir passeringsopplysningar for gyldige brikkebrukarar lagra i inntil 12 månader (3-6 månader på ”Min side”).

 

Har du ikkje gyldig AutoPASS-avtale blir det tatt bilete av bilskilta.

Det vil bli tatt videobilete av passeringar der ikkje brikka blir avlest (kan lesast av) og av passeringar med brikke som tilhøyrer ein ugyldig AutoPASS -avtale. Det vil ikkje ble tatt videobilete av passeringar med ei brikke som tilhøyrer ein gyldig AutoPASS –avtale bortsett frå i stikkprøvekontrollar for å kontrollere dine opplysningar (t.d. stor bil på avtale for liten bil). Bilete tatt i slike stikkprøvekontrollar vil bli sletta straks etter manuell kontroll dersom avtaleopplysningane er korrekte.

Dersom ei brikke ikkje blir avlest under passeringa, vil bompengeselskapet kunne lese av videobiletet om det finst ein avtale registrert på bilnummeret. Er alt i orden, vil videobiletet bli sletta ca 1 døgn etter belastning. Belastinga vil skje minimum 7 dagar etter passeringa, og kan ved manuell behandling ta noko meir tid.

Videobilete av køyretøy utan gyldig avtale vil bli nytta til å avlese bilnummeret slik at eit krav om betaling av avgift kan sendast bileigar. Biletet vil bli sletta 30 dagar etter at kravet er betalt, unnateke bilete det er knytt klage til avgifta. Er det registrert ei klagesak vil bileta bli lagra til saka er ferdig behandla.

 

AutoPASS-systemet tilbyr brukarar som ønskjer det eit alternativ for sletting av data. Dette skjer ved at passeringsdata blir sletta straks passeringsavgifta er belasta ein positiv kundesaldo. Det som slettast er all informasjon som kan knyte ei passering til ein bil, brikke eller kunde – samt evt bilete av passering. Det vil ikkje vere mogleg å gjennomgå passeringar ved eventuell klagebehandling i ettertid, i dei tilfelle ein meiner at avtalen er feilaktig belasta.

Dersom det ikkje er positiv saldo på avtalen når passeringsbeløpet skal belastast, vil passeringsdata bli liggande til betaling er registrert. Deretter vil passeringsdata slettast. Dersom betaling ikkje skjer, vil passeringar bli omgjort til fullprispasseringar og fakturerast.

Ein AutoPASS-avtale der det er valt sletting av data, er som ein ordinær avtale når det gjeld rabattar, endringsmelding for køyretøydata etc. Den einaste forskjellen er at passeringsdata blir sletta og ikkje kan finnast  att når passering er belasta kundesaldo på avtalen. Ordninga tilfredsstiller krav i høve konsesjon frå Datatilsynet.

 

Kunden sjølv kan få passeringsopplysningar skriftleg når dei ber om dette. Bompengeselskapet gir ikkje slik informasjon over telefon. I tillegg til kunden sjølv er det pr. i dag berre politiet som kan få utlevert slike opplysningar, og dette skjer berre ved rettsleg ordre eller i samband med etterforsking.